"Ziyo istagan qalblar uchun"
"Bolalikda quyosh sekin chiqayotgandek bo'laveradi.
Keksalikda quyosh tez botayotgandek bo'laveradi..."
©️O'tkir Hoshimov
📚Daftar hoshiyasidagi bitiklar
Zomin tuman axborot-kutubxona markazi xodimlari 2024 yil 5 avgust kuni "Yoshlar markazi " binosida o'quvchi yoshlarga O'tkir Hoshimov tavalludi hamda hayoti va ijodiga nazar solib "Ziyo istagan qalblar uchun" nomli davra suhbati tashkil etildi.
O‘tkir Hoshimov 1941 yil 5 avgustda Toshkent shahrida tug‘ilgan. O‘zbekiston xalq yozuvchisi (1991). ToshDUning filologiya fakultetining jurnalistika bo‘limini tugatgan (1964). Ilk kitobi — «Po‘lat chavandoz» (1962, ocherklar to‘plami). Birinchi yirik nasriy asari — «Cho‘l havosi» (1963). «Odamlar nima derkin» (1965), «Shamol esaveradi» (1966), «Qalbingga quloq sol» (1973), «Bahor qaytmaydi» (1970), «Dunyoning ishlari» (1982) qissalari hamda «Nur borki, soya bor» (1976), «Ikki eshik orasi» (1986), «Tushda kechgan umrlar» (1994) romanlari nashr etilgan.Yozuvchining bir qancha asarlari ekranlashtirilgan. «Xazon bo‘lgan bahor», «Inson sadoqati» (1975), «Vijdon dorisi», «To‘ylar muborak» (1979), «Qatag‘on» kabi drama, komediya, bir qator kinostsenariylar muallifi. «Daftar hoshiyasidagi bitiklar» (2001) kitobi ijtimoiy-ma’naviy hayotda muayyan iz qoldirgan.Hamza nomidagi O‘zbekiston Davlat mukofoti laureati (1986). «Mehnat shuhrati» (1996), «Buyuk xizmatlari uchun» (2001) ordenlari bilan mukofotlangan. 2013-yil 24-may kuni vafot etgan.